கோயிலுக்குள் கால் வைத்தவுடன் குளிர்ந்த காற்று நம் உடம்பை தொட்டுச் செல்லும். அதற்கு காரணம் ராஜ கோபுர வாயிலை அடைந்தவுடன் கொடிமரம் அருகே நந்தவனம் பூத்துக்குலுங்குகிறது. அதற்கு எதிரே வைகுண்ட ஏகாதசி மண்டபம். உள்ளே நுழைந்ததும் அழகே வடிவான நீலமேகப்பெருமாளை ஸ்ரீதேவி, பூதேவியுடன் கூடிய கல்யாண கோலத்தில் காணலாம். அருகே கமலநாயகி தாயார் அமர்ந்த கோலத்தில் உள்ளார். இப்படி உட்பிரகாரத்தை சுற்றி வரும்போது ஆண்டாளையும் தரிசிக்கலாம்.

ந்தக்காலத்தில் கோயிலுக்கு வரும்முன் காவிரியில் நீராடிவிட்டு சுவாமி தரிசனம் செய்வது வழக்கம். அதுபோலவே கோயிலுக்கு செல்லும் முன் காவிரியில் நீராடுங்கள். பாவங்கள் அனைத்தும் கரைந்தோடும். பிறகு நீலமேகப்பெருமாளிடம் மனதார வேண்டி கொள்ளுங்கள். மனசின் வலியை போக்குவார். நீங்கள் தேடும் வழியையும் காட்டுவார். பிறகு என்ன? கோயில் கோயிலாக அலைந்த கால்கள் இனி மண்டபம் மண்டபமாக சுற்ற ஆரம்பிக்கும்.