ஒரு ஊரில் பலர் குடிகாரர்களாக இருந்தனர். யார் சொல்லியும் அவர்கள் திருந்தவில்லை.  ஒருநாள் அந்த ஊருக்கு வந்த துறவி ஒருவர் அற்புதம் நிகழ்த்துவதாக தெரிவித்தார். அனைவரும் குளக்கரையில் கூடினர். சிறு கல் ஒன்றைக் காட்டி, “இதை குளத்தில் எறிந்தால் என்னாகும்?” எனக் கேட்டார்.   “மூழ்கி விடும்” என்றனர் மக்கள். “ஆனால் பெரிய கல்லைக் கூட குளத்தில் மிதக்க வைக்க என்னால் முடியும்” என்றார் துறவி. சீடர்களிடம் மரப்பலகை ஒன்றை எடுத்து வரச் சொல்லி,  அதில் பாறாங்கல்லை  கட்டி குளத்திற்குள் தள்ளினார். கட்டையால் கல் மிதந்தது. “இதில் என்ன அற்புதம் இருக்கிறது? மரக்கட்டையில் எதைக் கட்டினாலும் மிதக்குமே” என்றனர் மக்கள்.