இலங்கையில் சீதையை தேடியலைந்தார் ஆஞ்சநேயர். அவரை கண்ட இலங்கையின் காவல் தெய்வமான லங்கிணி,“ ஏய்! புதிதாக வந்திருக்கும் நீ யார்?” எனக் கேட்டது. “இந்த வனப்பகுதி அழகாக இருக்கும். இதை பார்க்க வந்தேன்” என பொய் சொன்னார் ஆஞ்சநேயர்.  இதே போல சீதையும் ஒரு முறை பொய் சொல்ல நேர்ந்தது. ஆஞ்சநேயர் அசோகவனத்தை துவம்சம் செய்த போது, அரக்கிகள் அலறியபடி ஓடினர். அதில் ஒருத்தி சீதையிடம்,“இவன் யார்?” எனக் கேட்டாள். “என்னை ஏன் கேட்கிறாய்? எனக்கு என்ன தெரியும்? என்று உண்மையை மறைத்தாள் சீதை. ஆபத்து காலத்தில் பொய் சொல்வது தர்மம் என்பதால் இந்த பொய் குற்றம் ஆகாது.