ஒருமுறை துறவி சமர்த்த ராமதாசர் சீடர்களுடன் கரும்புத்தோட்டத்தின் வழியாக சென்று கொண்டிருந்தார். அப்போது சீடர்கள் கரும்பைப் பறித்து தின்ன ஆரம்பித்தனர். இதைக் கண்ட தோட்டக்காரனுக்கு கோபம் வந்தது. ராமதாசரையும், சீடர்களையும் மரத்தில் கட்டி பிரம்பால் அடித்தான். சீடர்களின் தவறுக்காக ராமதாசருக்கும் உதை விழுந்தது. பின்னர், அங்கிருந்து புறப்பட்ட ராமதாசர், மாமன்னர் சிவாஜியின் அரண்மனையை அடைந்தார். குருநாதரைக் கண்ட சிவாஜி உபசரித்து விருந்தளித்தார். ஓய்வு எடுக்க தயாரான ராமதாசரின் முதுகில் பிரம்படி பட்டிருப்பதைக் கண்டு, ‘இக்கொடுமையைச் செய்த கயவன் யார்?’ என ஆவேசமாகக் கேட்டார் சிவாஜி.