ஒருமுறை அர்ஜுனன் மனதில்  சந்தேகம் எழுந்தது.  ‘‘கிருஷ்ணா!... கர்ணனைப் போல என்னுடைய அண்ணன் தர்மரும் கொடையாளி தானே!  இல்லை என மறுக்காமல் தர்மம் செய்பவர் தானே? ஆனால், கர்ணனை மட்டுமே உலகம் புகழ்கிறதே... ஏன்?’’ எனக் கேட்டான் அர்ஜூனன். உண்மையை உணர்த்த முடிவெடுத்தார் கிருஷ்ணர்.  ‘‘அர்ஜுனா!  என்னுடன் வா, நாம் ஒரு இடத்திற்கு செல்வோம்’’ என அழைத்தார் கிருஷ்ணர். அங்கு இருவரும் அந்தணர் போல வேடமிட்டுக் கொண்டனர்.  அதன் பின் தர்மரின் அவைக்குச் சென்றனர். மகிழ்ச்சியுடன் உபசரித்தார் தர்மர். அவரிடம் கிருஷ்ணர், ‘‘மன்னா! நாங்கள் யாகம் நடத்த இருக்கிறோம். அதற்கு சந்தனக் கட்டைகள் தேவைப்படுகிறது’’ எனக் கேட்டார்.