பிரம்மாவின் புதல்வர் புலஸ்திய மகரிஷி. இவரது மகன் குபேரன். இவனை ஆன்மிகத்தில் ஈடுபடுத்த புலஸ்தியர் விரும்பினார். அவனோ சிவனை நோக்கி தவமிருந்து பெரும் செல்வம் பெற்று, ராஜபோக வாழ்வு வாழ்ந்தான். இதை விரும்பாத புலஸ்தியர்   எடுத்த முயற்சி எதுவும் பலிக்கவில்லை. முடிவாக மகனை ஆன்மிகப்பாதைக்கு திருப்ப, தன் உடலிலிருந்து பலம் மிக்க வஜ்ரவாகு என்னும் அரக்கனை உருவாக்கி  சண்டைக்கு அனுப்பினார். தந்திரக்காரனான குபேரன்,‘‘என் தந்தையின் உடலில் இருந்து பிறந்த தாங்களும் எனக்கு தந்தை போன்றவர். என்னை ஆசிர்வதியுங்கள்’’ என்றான். அத்துடன் புறகடை, மாலினி, வாகை என்ற மூன்று பெண்களை அவருக்கு பணிவிடை செய்யவும் அனுப்பினான்.