மணவாழ்க்கை மகிழ்ச்சியாக அமைய, சுக்கிரன் பலமாக இருப்பது அவசியம். சுக்கிரன் பலமற்று இருந்தால் திருமணம் தாமதம் ஆவதுடன் இல்லற வாழ்விலும் பிரச்னைகள் உருவாகும். இல்லறத்தில் இனிமை சேர்க்க காத்திருக்கிறார் தென்காசி மாவட்டம் கரிவலம் வந்த நல்லுார் பால்வண்ணநாதர். சுக்கிரனால் வழிபட்ட இவரை வெள்ளியன்று தரிசித்தால் பலன் இரட்டிப்பாக கிடைக்கும். அசுரர்களின் குலகுருவாக இருந்தவர் சுக்கிராசாரியார். இவர் அசுரர்கள் சாகாவரம் பெற்று வாழ வேண்டும் என விரும்பினார். அதற்காக களாவனம் என்னும் இப்பகுதியில் பால்குளம் ஒன்றை உருவாக்கினார். இதையறிந்த தேவர்களின் தலைவன் இந்திரன் சிவனை வேண்டினார். அசுரர்களின் வலிமையைக் குறைக்க எண்ணிய சிவன், அந்தணச் சிறுவன் வடிவில் தோன்றி பால்குளத்தில் மூழ்கி எழுந்தார். இதை ஞானதிருஷ்டியால் அறிந்த சுக்கிராசாரியார் சிறுவனை விரட்ட அவன் களாவனத்திற்குள் ஓடி மறைந்தான். அந்த இடத்தில் சுயம்பு வடிவில் சிவலிங்கம் இருப்பதை சுக்கிராச்சாரியார் கண்டு வழிபட்டார். அவரே ‘பால்வண்ண நாதர்’ என்னும் பெயரில் இங்கு இருக்கிறார். அம்மனின் திருநாமம் ஒப்பனையம்மன். புராண காலத்தில் சாபம் ஒன்றின் காரணமாக இந்திரன், அவனது மகன் ஜெயந்தன், அவர்களின் வாகனமான ஐராவதம் என்னும் யானை மூவரும் அலைந்து திரிந்தனர். களாவனத்தில் ஒருவரை ஒருவர் அறியாத நிலையில் பால்வண்ணநாதரை வழிபட்டு விமோசனம் பெற்றனர். யானை(கரி) வலம் வந்து சிவபெருமானை வழிபட்டதால் இத்தலம் ‘கரிவலம் வந்த நல்லுார்’ எனப் பெயர் பெற்றது. பஞ்சபூத தலங்களில் இது அக்னி தலமாகும். தனித்தனி சன்னதிகளில் சுவாமி, அம்மன் உள்ளனர். விநாயகர், வீரசண்முகர், துர்கை, தட்சிணாமூர்த்தி, முகலிங்கநாதர், நவக்கிரகம் ஆகியோருக்கு சன்னதிகள் உள்ளன. நன்னீர்த்துறை, சுக்கிர தீர்த்தம் இங்குள்ளன. தலவிருட்சமான ‘திருக்களா’ மரம் பூப்பதோ காய்ப்பதோ இல்லை. மேற்கு நோக்கியபடி சிவன் (இலக்குமணேஸ்வரர்) கோயில் ஒன்றும் இங்குள்ளது. எப்படி செல்வது: * சங்கரன் கோவிலில் இருந்து 11 கி.மீ., * ராஜபாளையத்தில் இருந்து 21 கி.மீ., ஒருவகையில் பார்த்தால் நம்மில் பலரும் அந்த வியாபாரியைபோலவே இருக்கிறோம். எப்படி என்று கேட்கிறீர்களா... கடந்த காலத்தை நினைத்து வருந்துகிறோம். எதிர்காலத்தை எண்ணி வியக்கிறோம். சரி நிகழ்காலத்தில் வேலை செய்கிறோமா என்றால் அதுவும் இல்லை. செக்குமாடு மாதிரி திரும்பத் திரும்ப ஒரே வேலையை ஆர்வம் இல்லாது செய்வதுதான் இதற்கு காரணம். நிகழ்காலத்தில் வாழுங்கள். வேலையை காதலியுங்கள்.
Subscription 
நேரடி ஒளிபரப்பு 
