நினதுதெரி சனமுறை யிலேன்அமல நீசொன்ன
நிகமாதி நூல்கள் உணரேன்
நீதியா கமபுரா ணத்தினுரை செவிகொளேன்
நீடுசரி யைமு தலதாம்
உனதுபணி விடைபூசை கனவிலும் நினைத்திடேன்
ஓங்குசப ரியைபு ரியுமவ்
உயரடிய ரோடிணங் கேன்நின் திருப்பதிகள்
உலவிலேன் நதிகள் மூழ்கேன்
வினைகெட விபூதிகண் மணிவடம் அணிந்திலேன்
விமலன்நா மத்தில் ஒன்றும்
வினைவிடப் பாவியேன் ஒருதவமும் இல்லாத
வீணனின் திருவ டிக்கே
தினையளவும் அன்பிலேன் எனினும்என் தமிழ்த்தொண்டு
திருவருள் எனக்கு தவுவாய்
சிவசிதம் பரவாச சிவகாசி யுமைநேச
செகதீ சநட ராசனே.