கல்மனமும் கரைந்து உருகுமாறு தஞ்சமென்றோரை ஆட்கொண்டு அருளும் முருகப்பெருமான் கோயம்புத்துார் மருதமலையில் குடிகொண்டிருக்கிறார். முருகன் அவதரித்த வைகாசி விசாக நாளில் இவரை வழிபட்டால் நமது வினைகள் தீரும்.  
 பாம்பாட்டிச்சித்தர், பாம்புக்கடிக்கு மருத்துவம் செய்தார். ஒரு சமயம் இவர், நாகரத்தின பாம்பு ஒன்றைத் தேடி மருதமலைக்கு வந்தார். அப்போது சட்டைமுனிவர் அவருக்கு காட்சி தந்து, ‘‘ஆன்மிக வாழ்வில் ஈடுபட்டு, உடலிலுள்ள அடிப்படை சக்தியான குண்டலினி எனப்படும் பாம்பை கண்டறிவதே பிறவியின் நோக்கம். அதை விட்டு காட்டில் திரியும் பாம்புகளை தேடி அலைவது வீண் வேலை’’ என்றார். அதைக் கேட்ட பாம்பாட்டிச் சித்தர், உயிர்களைத் துன்புறுத்துவதில்லை என்ற முடிவு செய்ததோடு முருகனை நோக்கி தவமிருந்தார். அவருக்கு வள்ளி, தெய்வானையுடன் காட்சி தந்த முருகன் ஞான உபதேசம் செய்தார். இதனடிப்படையில் இத்தலத்தில் முருகனுக்கு கோயில் கட்டப்பட்டது.   

எப்படி செல்வது : கோயம்புத்துாரில் இருந்து 14 கி.மீ.,
விசேஷ நாள்: வைகாசி விசாகம், கந்தசஷ்டி, திருக்கார்த்திகை, பங்குனி உத்திரம்