பொங்கிவரு காவிரி நதிக்குவட பாலில்
பொருந்தும்அறு பத்து மூன்று
புண்ணிய தலங்கள்தென் பாலில்நூற் றிருபதேழ்
பூவிலுயர் பாண்டி நாட்டில்
தங்குபதி ஈரேழு மலைநாட்டில் ஒன்றேழு
தலங்கொங் கில்நடு நாடதில்
சாரும்இரு பானிரண்டு ஈழத் திரண்டுஒன்று
தலமுறும் துளுவம் அதனில்
துங்கமுற எண்ணான்கு நற்கதிகள் ஆகும்உயர்
தொண்டைநா டதனின் வடபால்
தொல்பதிகள் ஐந்திவைகள் மூவர்பா டியதலம்
சொல்லினம் உளவ னந்தம்
திங்களொடு கங்கைபுனை யுஞ்சடை யசைந்திடத்
திருநடம் புரிச ரணனே
சிவசிதம் பரவாச சிவகாமி யுமைநேச
செகதீ சநட ராசனே.