வினவுசோ டசபூசை யுப்சார முறைபகரின்
மேவுமா வாக னமுடன்
மிக்கவா தனமிலகு பாத்தியம் அருக்கியம்
விதித்தவா சமன மொடுமஞ்
சனவிவித அணியாடை கந்தம்உப வீதமிழை
சாற்றுமலர் தூப தீபம்
தருநிவே தனம்வேள்வி பலிகணித் தியவிழாத்
தாம் இதென நூல் புகன்றாய்
பனகதர கந்தமலர் புகைசுடர் நிவேதனம்
பஞ்சோப சார மென்னப்
பத்தருய மிக்கமறை யாகமபு ராணநூல்
பயில்தர வெடுத்து ரைத்தாய்
தினமுமறை முனிவர்மூ வாயிரத் தவர்பூசை
செய்தக மகிழ்ந்து போற்றும்
சிவசிதம் பரவாச சிவகாமி யுமைநேச
செகதீ சநட ராசனே.