சம்புவுனை வழிபடும் பூசைஈ னம்செயின்
சடலமதின் உரோக மூடும்
சாத்துமலர் ஈனமேல் குலநசித் திடுமணச்
சந்தனம் இலாமை குட்டம்
அம்பிலாப் பூசனை மனோதுக்க நற்றூப
ஆனி மகவிலை தீபமே
ஆனிதன நாசநனி வேதனங் குறையிலோ
அதிகதுர்ப் பிட்ச பயமாம்
பம்புமந் திரமின்மை வறுமையாம் தூசின்மை
படர்மகா ரோகம் எய்தும்
பயிலோம ஆனியால் குலமறும் பலியின்மை
பதிநாசம் ஆகும் என்றாய்
செம்பதும வல்லிகுடி கொண்டுள மகிழ்ந்துபணி
செய்தரித னாக மெனவாழ்
சிவசிதம் பரவாச சிவகாமி யுமைநேச
செகதீ சநட ராசனே.

நித்திய மகத்தவி குறைந்திடில் சாவென
நிகழ்த்துமணி யோசை ஈனம்
நீள்செவிடு வில்வம்அட் சதையறுகி லாமையது
நிச்சயம் சத்து ருபயம்
முத்திரைக ளலதசுர பயநேரும் ஓமநெல்
முதலதா னியமின் மைநம்
முனிவுதரும் நித்தியாக் கினியோம ஈனமிது
முழுதுநிட் பலம தாகும்
நித்தியோற் சவஈனம் அரசர்புவி நாசமென
நீயு ரைத்தனை யாகமம்
நிருபரிட முகமரை விற்பயங் குருபத்தி
நிகழ்வாஞ்சை மகவி டம்போல்
சித்தமகிழ் வோடுமறை வித்தகர்மூ வாயிரவர்
தினம்பூசை முறையின் ஆற்றும்
சிவசிதம் பரவாச சிவகாமி யுமைநேச
செகதீ சநட ராசனே.