மிக்கபூ தங்களோர் ஐந்துஞா னேந்திரிய
மேவுகன் மேந்தி ரியமும்
வினவில்ஒவ் வொன்றினிற்கு ஐந்துதன் மாத்திரை
விளம்பினோர் ஐந்து கரணம்
தக்கவொரு நான்கிவையொ டறுநான்கும் உயர்ஆன்ம
தத்து வமதாம் வித்தியா
தத்துவமொர் ஏழுசிவ தத்துவமொர் ஐந்திவைகள்
சாற்றும்உட் கருவி யாகும்
ஒக்கும்பு றக்கருவி யானதச வாயுகுணம்
உயர்நாடி தாதுஅ வத்தை
யொடுமண்ட லம்தூட ணத்தொடே டணைகோச
முறைதொ ணூற்றறு தத்துவம்
சிக்கற வுணர்த்தியம நியமாதி யெட்டும்
தெளிந்தவரி யோகி யென்றாய்
சிவசிதம் பரவாச சிவகாமி யுமைநேச
செகதீ சநட ராசனே.