சிலப்பதிகார நாயகி கண்ணகி, தன் கணவர் கோவலனுக்கு நேர்ந்த கொடுமை கண்டு வெகுண்டு மதுரையை எரித்தாள். பின் மன அமைதி பெறுவதற்காக கால் போன போக்கில் பல ஊர்களுக்கு சுற்றினாள். சிறுவாச்சூர் என்னும் இத்தலத்திற்கு வந்த போது அவளுக்கு மனம் அமைதி கிடைத்ததாக செவிவழிக்கதைகள் சொல்கின்றன. மதுரையை எரித்த மதுரைக் காளியே மதுர காளியம்மனாக இங்கு கோயில் கொண்டிருக்கிறாள்.
இந்த ஊரின் காவல் தெய்வமான செல்லியம்மனை மந்திரவாதி ஒருவன் கட்டுப்படுத்தி தீயசெயல்களில் ஈடுபடுத்தினான். அந்த சமயத்தில் ஒரு வெள்ளிக்கிழமை இரவில் மதுரகாளியம்மன் இங்கு வந்தாள். செல்லியம்மனை சந்தித்து தங்க இடம் கேட்டாள். சம்மதித்த செல்லியம்மன் தன்னை பயன்படுத்தி மந்திரவாதி செய்யும் அநீதிகளைச் சொல்லி காளியிடம் தீர்வு கேட்டாள்.   அங்கு தங்கிய காளி உதவுவதாக வாக்களித்து விட்டு அருகிலுள்ள பெரியசாமி மலைக்கு புறப்பட்டாள்.  

செல்வது எப்படி: திருச்சியில் இருந்து 50 கி.மீ., துாரத்தில் சிறுவாச்சூர். அங்கிருந்து 5 கி.மீ.,
விசேஷ நாட்கள்: சித்திரை வளர்பிறையில் பூச்சொரிதல் விழா, ஆடிவெள்ளி, ஆடிப்பெருக்கு, தைப்பூசம், தைவெள்ளி.